Бакалавриат программасы

БАУнун Гуманитардык жана так илимдер Мектеби жашоо-турмушта кесиптик жана мамлекеттик кызматтагы проблемаларды чечүүдө, ошондой эле технологияларды иштеп чыгууда ар кандай ыкмаларды киргизүү үчүн керек болгон билимди жана жөндөмдөрдү өнүктүрө турган программаны сунуш кылат.

Биздин билим берүүдөгү уникалдуу ыкмалар төмөнкүлөрдү камтыйт:

  • Гуманитардык жана так илимдер боюнча кеңири билим берүүдө предметтердин негизинде сынчыл ой жүгүртүү, аналитикалык жана техникалык көндүмдөрдү калыптандыруу;
  • Маанилүү жана тиешелүү чөйрөдө жогорку деңгээлдеги дүйнөлүк ЖОЖдор тарабынан иштелип чыккан тартип боюнча билим берүү;
  • Үйрөнгөнүңүздү реалдуу дүйнөнүн көйгөйлөрүн чечүүгө иш жүзүндө колдонууга сизге мүмкүндүк бере турган эксперименталдык билим берүү.

Сиздин БАУдагы академиялык жолуңуз

БАУда сиз бакалавриатты же магистрликти бүтүрүүгө мүмкүнчүлүк аласыз. Беш жылдан кийин гуманитардык илимдердин (ГИБ) же табигый илимдердин бакалавры (ТИБ) деген даража менен аяктап чыгасыз. БАУ бакалавриатты же магистрликти бирге сунуш кылган Борбордук Азиядагы биринчи университет болуп саналат.

Сиз университеттин үч кампусунун бирине, тандап алган тармакка жараша тапшырсаңыз болот - Нарын, Кыргызстан (2016-жылы ачылган); Хорог, Тажикистан (2017); жана Текели, Казакстан (2021/22). Сиз тандап алган тармакка жараша башка кампуста жок дегенде бир семестр окууга мүмкүнчүлүк аласыз.

Биздин корпоративдүү окуу программасы аркылуу, акы төлөнүүчү жайкы практиканы ири компаниялардан өтүү аркылуу иш тажрыйбага (стаж) ээ болосуз.

Илимий жана академиялык өзгөчө жетишкендиктери үчүн тандоо комитети тарабынан студенттер түздөн-түз экинчи жылга кабыл алынууга укуктуу экендиги жөнүндөгү сунуш берилиши мүмкүн.

"Мен БАУ тарабынан түздөн-түз студент катары кабыл алынганмын. АКШда FLEX программасы боюнча окуп келгенден кийин бул университетти мен үчүн аябай ылайыктуу деп таптым. БАУда көп улуттуу студенттер жана мугалимдер бар. БАУ жаңы мүмкүнчүлүктөрдү камсыз кылат жана жогорку деңгээлдеги окуу программасы Борбор Азия өлкөлөрүн өнүктүрүүгө багытталып иштелип чыккан. Биз ошондой эле спорт оюндарынын ар кандай түрүнө катышып, убакытты кызыктуу өткөрөбүз."

Фариза Косабекова
Хорог, Тажикстан
"Байланыш жана массалык маалымат каражаттары" адистиги
Нарын кампусу, 2022- класс

НАРЫН КЫРГЫЗСТАН (2016)
ХОРОГ, ТАЖИКИСТАН (2017)
ТЕКЕЛИ КАЗАКСТАН (2021/22)

Компьютерлер илимдери жана Байланыш жана массалык маалымат каражаттары адистиги боюнча студенттер Нарын кампусуна (Кыргызстан) катталса болот.
Экономика же Жер жана айлана чөйрө адистиги боюнча студенттер Хорог кампусуна (Тажикстан) катталса болот.
Инженердик илимдер же Бизнес жана башкаруу адистигине кызыккан студенттер Текели кампусуна катталса болот (Казакстан 2021/22-жылы курулуп бүтөт).

Академиялык өнөктөштөр

БАУнун беш жылдык бакалавриат программасынын бир бөлүгү катары студенттер Канаданын Торонто шаарындагы Сенека Колледжи (Seneca College) менен биргеликте иштелип чыккан интенсивдүү даярдоо программасын аяктайт. аяктайт. БАУнун окуу программасы анаданын Торонто (Компьютер илимдери), университети, Британдык Колумбия университети, Канада (Жер жана курчап турган чөйрөнү коргоо жөнүндө илимдер), Москвадагы Улуттук изилдөө университетинин жогорку Экономика мектеби, Стокгольм экономика мектеби/Рига,Латвия (Экономика) жана Сидней технологиялык университети, Австралия (Байланыш жана массалык маалымат каражаттары) менен биргеликте иштелип чыккан. Ошондой эле БАУ Канаданын Виктория университети да инновациялык корпоративдик билим берүү программасын иштеп чыгуу үчүн өнөктөш болду.

БАУ структураланган беш жылдык программаны сунуш кылат:

  • Даярдоо, кайчылаш предметтер, гуманитардык жана милдеттүү курстар;
  • Алты адистикке үйрөтүү же негизги предметтер (ошондой эле, экинчи денгээлдеги предметтер катары тандалып алынышы мүмкүн)
  • Корпоративдик билим берүү программасы.

"БАУда негизги предметтерди окуп үйрөнүү мен үчүн унутулгус болуп саналат. Менде эки кампуста тең окуу, ошондой эле, Кыргызстан менен Бадахшандын ар түрдүү маданияттары тууралуу маалымат алуу сыяктуу укмуштуудай мүмкүнчүлүк болду. Жайында мен мониторинг жана баа берүү боюнча USAID уюмунда иштеп эң сонун тажрыйба алдым. Мен чыныгы дүйнөгө туш болдум жана бизнес этикасы, маалымат технологиясы, илим жана маалымат чогултуу жагынан көп нерсеге үйрөндүм."

Озар Айни
ушанбе, Таджикистан
Компьютер илимдери, Нарын кампусу
2021-класс

Даярдоо программасы

БАУнун беш жылдык программасы боюнча окуунун биринчи жылында, бардык студенттер Даярдоо курсунун программасынан өтүшөт. рограмма англис тили, математика жана так илимдер курстарын камтыйт, ошондой эле интенсивдүү англис тилдеги академиялык чөйрөдө ийгиликке жетүү үчүн зарыл болгон эл аралык стандарттарга ылайыктуу негизги көндүмдөр менен камсыз кылуу максатында иштелип чыккан.


БАУнун бакалавриат прогаммасынын негизги предметтери

Компьютер илимдери, BSc
Технологияга кызыгдарсызбы жана өнүгүп келе жаткан аймактык өндүрүштүн бир бөлүгү болгуңуз келеби? Технология аркылуу чечүү жолдорун көрө аласызбы? Техникалык жана лидерлик сапаттарыңызды өнүктүрүүгө кызыкдарсызбы? Сиз заманбап технологияларга ээ болууну каалайсызбы? Эгер ошондой болсо, анда БАУнун компьютер илимдер боюнча программасы сиз үчүн!

Байланыш & массалык маалымат каражаттары, BA
Сиз окуяларды баяндап бере аласызбы? Коомдук жана башка массалык маалымат каражаттары аркылуу натыйжаларга жетишүүнү жакшы көрөсүзбү? Борбордук Азиядагы массалык маалымат каражаттарын бекемдөө мүмкүнчүлүктөрүн көрүп жатасызбы? Маалымат каражаттарында Борбордук Азияны чагылдыруу жолдорун өзгөрткүңүз келеби? Андай болсо БАУнун байланыш жана медиа программасы сиз үчүн!

Жер жана айлана чөйрө, BSc
Сиз айлана-чөйрөгө көңүл кош эмессизби? Экологиялык иш-аракеттерди жакшыртуу үчүн мүмкүнчүлүктөрдү көрүп жатасызбы? Борбор Азиядагы уникалдуу ресурстарды коргоого өзүңүздү милдеттүү сезесизби? Дүйнөлүк проблемаларды илимий түшүнүктөрдү колдонуу менен чечкенди жакшы көрөсүзбү? Эгер ошондой болсо, анда БАУнун Жер жана экологиялык илимдер программасы сиз үчүн!

Экономика, BA
Экономикалык жактан натыйжалуу ишкер болууга кызыгдарсызбы? Борбордук Азиянын экономикалык өнүгүүсүнө салым кошууга кызыгдарсызбы? Күчтүү уюмдарды түзүп жана экономикалык саясатты илгерилетүүнү каалайсызбы? Борбордук Азиянын экономикасы дүйнөлүк экономикага кандайча дал келээри сизди тынчсыздандырып жатабы? Андай болсо БАУнун Экономика боюнча программасы сиз үчүн!

Инженердик-техникалык илим, BSc (2021/22-ж. болжолдонууда)
Көйгөйлөрдү чечүүнү жана баардык нерсенин өз нугунда иштешин жакшы көрөсүзбү? Же натыйжалуу иштөөсүн каалайсызбы? Чыныгы дүйнөнүн көйгөйлөрүн илимий түшүнүктөрдү колдонуу менен чечүү мүмкүнчүлүктөрүн көрүп жатасызбы? Чоң көйгөйлөрдү чечүүнүн ар кандай жолдорун изилдөөгө даярсызбы? Жаңы нерселерди ойлоп табууну жакшы көрөсүзбү? Эгерде ошондой болсо, анда БАУнун инженерия боюнча программасы сиз үчүн!

Бизнес жана менеджмент, BA (2021/22 болжолдонууда)
Сиз бизнес дүйнөсүндө лидер болууну каалайсызбы? Бизнес жөнүндө идеяларыңыз барбы? Борбордук Азиядагы экономикалык өнүктүрүүнү күчөтүү боюнча көндүмдөрдү үйрөнгүңүз келеби? Андай болсо БАУнун бизнес жана башкаруу программасы сиз үчүн!

БАУнун экинчи даражадагы предметтери

Негизги предметтерден тышкары, экинчи денгээлдеги академиялык предметтердин бирин тандайсыз.Экинчи даражадагы предметтер, негизги предметтерге кошумча билим жана көндүмдөрдү берет. Ар тараптуу билимиңизди андан ары жумуш ордунда жана коомдук шарттарда пайда болгон татаалдыктарга ийкемдүү жана ылайыктуу болушун камсыз кылат. Бүгүнкү дүйнөлүк экономикада жалгыз багыттуу билим деңгээлин берген программалар пайдасын жоготуп, дүйнө жүзү боюнча иш берүүчүлөр негизги жана экинчи даражадагы предметтер боюнча билим алган жаштарды жумушка алууну каалашат.

Студенттер окуунун алты негизги багыты менен кошо экинчи даражадагы бир предметти окуйт. Мисалы, Кыргызстандын Нарын шаарында окуп жаткан студент Тажикстандын Хорог кампусунда жана Казакстандын Текели кампусунда экинчи даражадагы бир предметти окуй алат, же тескерисинче.

- Компьютер илимдер
- Байланыш жана массалык маалымат каражаттары
- Жер жана айлана-чөйрө илимдер
- Экономика
- Инженердик илимдер (2021/22 болжолдонууда)
- Бизнес жана менеджмент (2021/22 болжолдонууда)

КОРПОРАТИВДИК БИЛИМ БЕРҮҮ ПРОГРАММАСЫ

БАУнун корпоративдик окуу программасы студенттер аудиторияларда окуп үйрөнгөнүн жеке, коомдук жана жамааттык секторлордо чыныгы жашоодогу кесиптик тажрыйба алуу учурунда колдонгон бирдиктүү окуу программасы болуп саналат. Бул программа жогорку билимден сырткары студенттерди академиялык жана карьералык ийгилик үчүн даярдайт. БАУнун корпоративдик программасы Канаданын Виктория университети менен биргелешип иштелип чыккан.

Программа БАУнун студенттери үчүн милдеттүү болуп саналат. Бул новатордук демилге боюнча беш жылдык жогорку билим алуу процессинде студенттер жумуш менен камсыз болуу мүмкүнчүлүктөрү менен таанышат. Структуралык жолдомо аркылуу үч жай мезгили катары менен жергиликтүү жана эл аралык чөйрөдө иштеп тажрыйба алышат. Билим алуу, жумуш издөө, өз ара мамилелешүүнүн баалуу көндүмдөрүн үйрөнүү жана жумуш учурунда окуу, ошондой эле талаа изилдөөлөрүнө катышуу жана студенттин өнүгүүсүн биргелешип баалоо процесстери аркылуу ишке ашат.
> БАУнун корпоративдик билим берүү программасы жөнүндө көбүрөөк билүү


Изилдөө мүмкүнчүлүктөрү

БАУнун илимий-изилдөө институттарына жана окуу борборлорунуна, илимий адистерине, шарттарга жана маалыматтарга болуп көрбөгөндөй жетүү мүмкүнчүлүгү пайда болот. Бул сиздин окуу программаларын өзгөчө билим алуу мүмкүнчүлүктөрү менен толуктайт. Анын ичинде: изилдөө мүмкүнчүлүктөрү; алдыңкы илимпоздор менен биргелешкен басылмаларды чыгаруу мүмкүнчүлүгү; дипломдук ишти даярдоо; дүйнө жүзү боюнча белгилүү илимпоздорго байланышка чыгуу; предметтер боюнча илимий усулдарды пайдалануу жана билимди өнүктүрүү.